SATIREN :: Günther Rabl :: Fachgespräch

SATIREN :: Günther Rabl
Fachgespräch
Hacker, Computerspezialist Spranzl, dessen Freund
Spranzl:	Herst, do gibts a neiche Programmiersproch, MILZ, kennst de ?
Hacker:	MILZ is oasch, SHRIMP is leiwand, SHRIMP muassd da gebn !
Spranzl:	Wos kaunn des ?
Hacker:	Damit kaunnst ollas mochn ! Des haum de Ami entwicklt, firs Space Shuttle.
Spranzl:	Pfa !
Hacker:	Schau, i zag da wos. (Hacker fummelt mit unglaublicher Geschwindigkeit auf Tastatur und Maus herum, auf dem Bildschirm laufen völlig unleserlich irgendwelche Schriften und Bilder ab, schliesslich bricht das Bild zusammen. Hacker drückt mit beiden Händen wahllos sämtliche Tasten) Jetzt is a ogschtirzt ! Do hob i wo an Wirus drin. (Hacker startet den Computer neu, ein Bild erscheint, darauf in grossen überstrahlten Lettern: GOOD MORNING, YOU BUM, DON'T PLAY ON MY DRUM !)
Spranzl:	Pfa, des Programm is leiwand ! Kopierst ma des ?
Hacker:	I hob no ned ollas. Waun i de aundern no kriag, kaunnst das hobn.
Spranzl:	I kauf ma jetzt den Zwaneinadreissga.
Hacker:	Da Zwaneinadreissga is oasch, kauf da glei den Zwavierzga.
Spranzl:	Wos kaunn der ?
Hacker:	Der is irre schnö ! Der kaunn zwahunder mips.
Spranzl:	Pfa !
Hacker:	Und irre genau !
Spranzl:	Wos kost der ?
Hacker:	So um an Vierzga. I kenn do oba an Typn, kriagst na um fufzehn.
Spranzl:	Leiwand ! - Tschau.
Hacker:	Tschüssi.

© Günther Rabl 1990 Dieser Text versteht sich als literarisches Kunstwerk. Zitierung im Sinnzusammenhang mit Quellenangabe bis auf Widerruf gestattet. Jedwede Änderung der Schreibweise und Interpunktion, insbesondere in Bezug auf die 'neue deutsche Rechtschreibung', ausdrücklich verboten.